„Еуроспин“ им се обраќа на купувачите со нова микродрама

„Еуроспин Словенија“ се приклучува на трендот на микродрами и на 29 септември на своите социјални мрежи премиерно ќе ја претстави својата оригинална словенечка микродрама „Тајната на моето момче“.

Кратката вертикална серија ќе биде достапна на каналите на „Еуроспин Словенија“ на платформите YouTube, TikTok и Instagram, а во главните улоги настапуваат Нина Марчета и Изток Подпечан.

Од „Еуроспин“ објаснуваат дека со новиот формат сакаат да им се обратат на купувачите на посовремен и поличен начин и наместо класично рекламирање да им понудат оригинална забавна содржина.

„Луѓето денес не сакаат брендовите постојано нешто да им продаваат. Тие сакаат оригинални содржини со кои ќе се забавуваат и ќе почувствуваат нешто“, изјави Наталија Пагон, директорка за маркетинг во „Еуроспин ЕКО“.

Микродрамите се состојат од кратки епизоди, по правило снимени во вертикален формат и приспособени за гледање на мобилни уреди. Со овој формат „Еуроспин“ сака да ѝ се обрати пред сè на публиката на социјалните мрежи.