Надворешната трговија надмина 10,5 милијарди евра, раст кај извозот на пијалаци и храна

Надворешната трговија на Северна Македонија продолжува да расте и во првата половина од 2026 година. Според податоците на Државниот завод за статистика, вкупната стоковна размена достигнала повеќе од 10,5 милијарди евра, што претставува пораст од 7,8% во однос на истиот период лани.

Во периодот јануари – јуни, извозот е зголемен за 8%, а увозот за 7,7%, при што покриеноста на увозот со извоз изнесува 71,3%.

Од аспект на FMCG-секторот, најголем раст на извозот е забележан кај пијалаците и тутунот, кој изнесува 3,4%, додека извозот на храна е зголемен за 0,9%. Највисок раст на извозот, пак, е регистриран кај минералните горива, мазивата и сродните производи (+43,5%), потоа кај животинските и растителните масла, мастите и восоците (+33%), како и кај хемиските и сродните производи (+21,1%).

Истовремено, кај увозот е регистриран пад од 0,8% кај храната и живите животни, додека кај сите останати групи производи е забележан раст.

Најзначајни трговски партнери на земјава и натаму се Германија, Велика Британија и Грција, пред Кина, Србија, Бугарија и Турција. Трговската размена со Германија достигнала 2,1 милијарда евра, при што околу 75%.