Поради голем интерес, по успешно реализираната еднодневна обука со извонредниот Роко Водопија, на 12 март повторно ќе се одржи „Водење на тимови кон врвни перформанси – The Extra Mile mindset“, во организација на „Кликер маркетинг“ и магазинот InStore.
Обуката е наменета за лидери и менаџери кои сакаат да поттикнат самоодговорност, висока ангажираност и резултати што ги надминуваат очекувањата, преку градење силна култура на самоодговорност и посветеност.
Водење на тимови кон врвни перформанси - The Extra Mile mindset им помага на менаџерите да развиваат тимови кои не само што ги исполнуваат, туку и ги надминуваат очекувањата. Преку практични примери и докажани методи, учесниците ќе научат како да поттикнат самоодговорност, ангажираност и посветеност што води кон врвни резултати.
ЦЕЛ НА ОБУКАТА:
Обуката има цел да ги запознае менаџерите со тоа што треба да направат за нивниот тим да вложи дополнителена енергија и да направи „дополнителна милја“ за да ги надмине деловните цели.
ОПИС НА ОБУКАТА:
- Дали менаџерите и вработените покажуваат целосна одговорност?
- Дали ги почитуваат роковите?
- Дали прецизно информираат за статусот на задачите?
- Дали вложуваат доволно труд за да ја исполнат целосно својата улога?
- Дали покрај секојдневните задачи може да разбудат чувство на самоодговорност за сите аспекти од нивната работа?
Лидерите можат да ја воспостават или да ја подобрат културата на одговорност така што членовите на тимот ќе бидат мотивирани и ќе ја исполнат својата улога со извршување на секојдневните задачи, но и со преземање дополнителна одговорност за сите аспекти од нивната работа.
На работилницата ќе се обработат докажани практики за постигнување усогласеност, посветеност, одговорност и ангажираност на менаџерите.
Успешно реализирана обука *„Водење на тимови кон врвни перформанси – The Extra Mile Mindset“, Скопје 2025***
МЕТОДИ НА РАБОТА:
- Презентација на ситуацијата и предизвиците
- Спроведување анкета
- Критичко размислување
- Образложение на одговорите од страна на учесниците и поставување прашања
- Дискусија за примери од пракса
ЗА КОГО Е НАМЕНЕТА:
Претприемачи, лидери, менаџери на високо и средно ниво
АГЕНДА:
08:15-08:45 - Регистрација на учесници
08:45-09:15 ВОВЕД
- Колку е важно да се трудиме повеќе?
- Зошто ни се потребни менаџмент и лидерство ?
- Кога луѓето даваат повеќе, ... кога одат на „дополнителна милја“?
09:15-10:15 УСОГЛАСЕНОСТ
- Кога велиме дека сме усогласени со нашиот тим?
- Наративна рамка за усогласување на вашиот тим во вашата ситуација!
- Улога и цел на моето делување
- Моја агенда
- Како да се дефинираат двојни и тројни улоги
10:15-10:25 Кафе пауза
10:25-11:45 ПОСВЕТЕНОСТ
- Што е посветеност?
- Како се однесуваат луѓето кои се „посветени“?
- Зошто луѓето не се посветени?
- Како да се постигне посветеност?
11:45-12:45 Пауза за ручек
12:45-14:45 ОТЧЕТНОСТ И САМООДГОВОРНОСТ (Accountability)
- Студија на случај : Концерт во Далмација
- Што е самоодговорност?
- Како се однесува отчетна и самоодговрна личност?
- Одговорност наспроти отчетност (Responsibility vs Accountability)
- Можеме ли да бараме самоодговорност од сите?
- Зошто е тешко да се биде самоодговорен?
- Колку воопшто можеме да имаме контрола врз работите?
- Екстремна самоодговорност и отчетност
- Парадоксот на напредокот
- Кога е тешко да се повика на одговорност?
- Како да се постигне самоодговорност?
14:45-15:00 Кафе пауза
15:00-16:00 АНГАЖИРАНОСТ
- Што е ангажираност?
- Како се однесуваат луѓето кои се „ангажирани“?
- Како да се ангажираат луѓе?
- Разликата помеѓу посветеност и ангажираност
- Заклучок
КОТИЗАЦИИ
- 4 и повеќе лица од компанија – 219 евра по лице
- 3 лица од компанија – 229 евра по лице
- 2 лица од компанија – 239 евра по лице
- 1 лице – 249 евра
(ДДВ не е вклучен во цената)
ПРИЈАВИ И КОНТАКТ
meri@instore.mk
Мери Каталиниќ, 071 262 441
ЗА ПРЕДАВАЧОТ:
Роко Водопија е истакнат менаџер и консултант со повеќе од 25 години искуство во управување и советување на водечки компании во Централна и Југоисточна Европа. Работел на високи менаџерски позиции во компании како TDR, Dukat и Pliva, како и на чело на национална млечна индустрија и малопродажен синџир во процес на реструктуирање.
Како консултант во Kearney, BDO и EY Parthenon, раководел со проекти за стратегии, пораст, ефикасност и трансформација на компании. Има богато искуство во различни индустрии – стоки за широка потрошувачка, малопродажба и фармација, како и во различни бизнис-контексти, од стабилност до реструктуирање и пораст.
Неговата специјалност се развој на тимови, организациска трансформација и оперативно подобрување на работењето, со прагматичен пристап заснован на комбинација од менаџерско и консултантско искуство.
Неодамнешни проекти вклучуваат подобрување на организациски системи и управување во групацијата Orka, чаевите Lipton и Infusions BV. Дополнително, Роко Водопија работи и на carve-out процеси – издвојување на дел од компанијата (оддел, бренд, производствена линија) во посебно правно друштво.
