Обуката ќе ја води искусниот менаџер, консултант и обучувач Роко Водопија, кој зад себе има повеќе од 25 години искуство во управување, организациска трансформација и советување на компании низ Централна и Југоисточна Европа.
За разлика од традиционалните HR-обуки, овој мастерклас е наменет за HR-професионалци кои сакаат да излезат од рамките на административната и функционалната поддршка и да станат вистински деловни партнери на менаџментот. Преку практичен пристап, учесниците ќе стекнат подобро разбирање за тоа како функционира бизнисот, како се носат деловните одлуки и како HR може директно да придонесе за организациските резултати.
ЦЕЛ НА ОБУКАТА
Обуката има цел да им помогне на HR-професионалците да ја разберат перспективата на менаџментот и управните одбори, да ги поврзат HR-иницијативите со деловните приоритети и да развијат компетенции што ќе им овозможат да бидат релевантни партнери во креирањето и спроведувањето на организациските стратегии.
ЗА КОГО Е НАМЕНЕТА?
- HR-директори и раководители на HR-функции;
- Менаџери за развој на луѓе, таленти, организациски развој и People & Culture;
- Високи HR-експерти кои тесно соработуваат со менаџментот;
- HR-професионалци кои се подготвуваат за стратешка или советодавна улога во организацијата.
ШТО ЌЕ НАУЧАТ УЧЕСНИЦИТЕ?
Во текот на еднодневната програма ќе се обработуваат теми кои ретко се дел од класичните HR-обуки, меѓу кои:
- Улогата на управниот одбор и корпоративното управување;
- Бизнис-модели и деловна стратегија;
- Организациска ефикасност;
- Финансии за HR професионалци;
- Организациски структури и оперативни модели;
- Комуникација со менаџментот;
- Управување со промени;
- Усогласување на HR активностите со очекувањата на раководството.
Освен тоа, учесниците ќе научат како да поставуваат поквалитетни прашања кон менаџментот, да даваат аргументирани препораки, подобро да ги разбираат финансиските извештаи и да ја поврзат HR-стратегијата со деловните цели на организацијата.
КОТИЗАЦИИ
• 4 и повеќе лица од компанија – 219 евра по лице
• 3 лица од компанија – 229 евра по лице
• 2 лица од компанија – 239 евра по лице
• 1 лице – 249 евра
ДДВ не е вклучен во цената.
ПРИЈАВИ И КОНТАКТ
За пријавување и дополнителни информации:
Мери Каталиниќ
meri@instore.mk
071 262 441
