„МВМ Група“ стана дел од European Field Marketing Partners (EFMP), една од водечките европски мрежи на професионалци од областа на field marketing, продажбата, merchandising и развојот на брендовите на продажното место.
„Ова партнерство претставува еден од позначајните чекори во досегашниот развој на „МВМ Група“ и отвора целосно нова димензија на деловни можности – како за компанијата и нашите клиенти, така и за нашите вработени и за развојот на домашната FMCG индустрија и целиот малопродажен сектор“, соопштија од „МВМ Група“.
EFMP ги обединува водечките field marketing компании низ Европа и денес претставува меѓународна мрежа која им овозможува на партнерите да разменуваат знаења, искуства, најдобри практики и иновативни решенија. Мрежата е присутна на пазари низ Европа, а нејзиниот Board претставува 21 земја и повеќе од 10.000 вработени.
Посебната вредност на EFMP се огледува токму во размената на знаења и искуства меѓу пазарите. Преку континуирана соработка, партнерите развиваат нови модели на работа и ги следат најважните трендови во областа на field marketing, merchandising, продажбата и shopper marketing.
Како што дополнуваат од „МВМ Група“, ова партнерство за нив значи пристап до европско know-how и можност искуствата од најразвиените FMCG пазари директно да ги применат во Србија, особено во технолошка смисла, преку користење напредни технологии во работењето, како и AI.
„Ова партнерство отвора значајни можности за развој на нашите вработени. Една од најголемите вредности што ги гледаме во членството во мрежата EFMP е можноста за поврзување на нашите колеги со колеги од други европски земји, размена на искуства, учество на меѓународни работилници и едукации, како и обуки и стручно усовршување на европските пазари, каде што ќе имаат можност да видат нови начини на работа, нови технологии и вредности, а стекнатите знаења да ги применат кај нас.
Сакаме нашите вработени да учат од најдобрите, европското знаење да го донесат во Србија и заедно да ги подигнуваме стандардите на FMCG индустријата на уште повисоко ниво. На овој начин на нашите клиенти ќе им понудиме подобри и поквалитетни услуги за зголемување на продажбата и намалување на трошоците“, порачаа од „МВМ Група“.
