Волфганг Ајгнер го презема раководењето со регионалниот центар на „Шпар“

Управата на „Шпар АГ“ го именува Волфганг Ајгнер за нов генерален директор на регионалниот центар на „Шпар“ за Тирол и Салцбург, а функцијата ќе ја преземе на 1 ноември 2026 година.

Патриција Сепетавц, која ја извршуваше оваа функција пет и пол години, заминува на породилно отсуство.

Ајгнер, кој потекнува од Тирол, од 2007 година работи во „Шпар Тирол/Салцбург“ на различни функции и одговорни раководни позиции, благодарение на што стекнал големо искуство и одличен увид во целокупното работење на регионалниот центар на „Шпар“, наведуваат од компанијата.

Центарот на „Шпар“ во Вергл претставува регионален големопродажен центар за сојузните покраини Северен Тирол и Салцбург. Во рамките на комплексот се наоѓа и голем погон на Tann за производство на месо и месни преработки, како и пекарница на Interspar.

Од Вергл се снабдуваат околу 240 продавници на Spar, Eurospar, Interspar и Maximarkt во Тирол и Салцбург. На ова подрачје работат повеќе од 10.000 вработени, од кои 5.500 се поврзани со централата во Вергл.