Како официјален безалкохолен пијалак на Националната фудбалска лига (NFL) и партнер на 15 NFL-тимови, Pepsi се здружи со модниот бренд Off Season, познат по своите вирални NFL „пуфер“ јакни, за да создаде минијатурни јакни за лименки Pepsi од 12 унци (околу 355 милилитри).
Off Season ја претвори својата препознатлива NFL „пуфер“ јакна во минијатурна верзија, осмислена како функционална навлака за лименки што го одржува Pepsi ладен, а истовремено овозможува удобно држење.
Колекцијата опфаќа 15 модели со официјалните бои и логоа на NFL-тимовите, функционални патенти и ракави, како и посебни ознаки инспирирани од препознатливата облека на Off Season.
Навивачите ќе можат да ги освојат овие навлаки преку национална наградна игра и промотивната турнеја Pepsi x Off Season Tailgate Tour.
Оваа соработка претставува ново поглавје од кампањата Tailgating Deserves Pepsi, која се заснова на идејата дека храната што се консумира за време на натпреварите има уште подобар вкус со препознатливиот вкус на Pepsi.
„Pepsi отсекогаш бил во центарот на искуството на денот на натпреварот, од храната што ја консумираат навивачите до тимовите за кои навиваат. Со брендот Off Season ја претвораме лименката Pepsi во дел од навивачкиот стил, спојувајќи врвен вкус, тимска гордост и еден од најпрепознатливите модни симболи на американскиот фудбал на начин на кој тоа може да го направи само Pepsi“, изјави Густаво Рејна, потпретседател за маркетинг во „Пепси“.
Кристин Јушчик, основачка и креативна директорка на брендот Off Season, истакна дека идејата за минијатурните јакни произлегла од препознатливиот дизајн на брендот.
„Пуфер јакната нè враќа на самите почетоци на Off Season, па дојдов на идеја нашиот препознатлив дизајн да го претвориме во нешто сосема неочекувано. На секој натпревар пијам Pepsi, така што соработката со овој бренд беше совршен спој“, изјави Јушчик.
„На крајот на краиштата, нема повкусен пијалак со кој би ги наполниле нашите минијатурни пуфер навлаки за лименки. Едвај чекам навивачите да ги добијат во свои раце“, додаде таа.
