Повеќе од 300 вработени ја завршија обуката во рамките на академијата на dm

Деветтата генерација учесници на академијата на dm во Хрватска успешно ја заврши обуката за дрогеристи, која компанијата ја спроведува во соработка со образовната установа „Калидус“. Со завршувањето на програмата, учесниците се стекнаа со стручната квалификација дрогерист, а истовремено започна и обуката на десеттата генерација.

Во овогодишната генерација, покрај вработените во „дм-дрогери маркт Хрватска“, учествуваа и вработени во dm од Босна и Херцеговина, Србија и Северна Македонија.

Програмата е насочена кон стручно усовршување на вработените, размена на искуства и стекнување дополнителни знаења потребни за работа во дрогерии, како и за советување на купувачите при изборот на производи.

Во досегашните девет генерации на академијата на dm, обуката ја завршиле повеќе од 300 дрогеристи, кои денес работат во продавниците на dm низ Хрватска.

Вработените што ја завршиле програмата се препознатливи по посебните беџови на работната облека, а стекнатите знаења им овозможуваат на купувачите да им обезбедат стручни информации и совети.

Истовремено со завршувањето на обуката на деветтата генерација, започна и работата со десеттата генерација на академијата на dm, со што компанијата продолжува со спроведувањето на програмата за стручно образование на своите вработени.

Преку соработката со образовната установа „Калидус“ и вклучувањето вработени од повеќе земји во регионот, dm продолжува да развива програма насочена кон професионален развој и унапредување на компетенциите на вработените во малопродажбата, соопштуваат од компанијата.