„Матони 1873“ го именува Иван Чевра за генерален директор на своите организации во Хрватска и Словенија. Чевра ќе го води стратешкото позиционирање на компанијата на двата пазара, на кои „Матони“ од 1 јануари 2027 година ќе биде одговорен за целокупното производство, дистрибуција и продажба на портфолиото на пијалаци на PepsiCo.
Чевра има искуство во раководење со регионални компании, а во текот на кариерата извршувал раководни функции во „Станиќ Бевериџис“, „Јамница плус“ и „Хенкел“.
Неговото именување доаѓа во пресрет на почетокот на работењето на „Матони 1873“ на хрватскиот и словенечкиот пазар. Компаниите на „Матони“ во Хрватска и Словенија од почетокот на 2027 година ќе ја преземат одговорноста за производството, дистрибуцијата и продажбата на портфолиото на пијалаци на PepsiCo на овие пазари.
Со влегувањето во Хрватска и Словенија, „Матони 1873“ дополнително го проширува своето работење. Групацијата моментално работи во Чешка, каде што е и нејзиното седиште, како и во Словачка, Австрија, Унгарија, Бугарија, Србија, Црна Гора и Босна и Херцеговина.
Заедно со локалните тимови, Чевра ќе биде фокусиран на развојот на работењето во Хрватска и Словенија и градењето долгорочни партнерства со купувачите, вработените и локалните заедници.
„Нашата амбиција е заедно со локалните тимови во Хрватска и Словенија да изградиме силно и одржливо работење. Сакаме да ги поврземе одличната локална експертиза и познавањето на пазарот со искуството на групацијата „Матони 1873“ на пазарите во Централна Европа и Западен Балкан, истовремено потпирајќи се на нашата долгогодишна соработка со глобалните брендови. Верувам дека оваа комбинација создава основа за одржлив раст и долгорочна вредност за нашето работење, партнерите, потрошувачите и индустријата во целина. Се радуваме што заедно со тимовите во Хрватска и Словенија оваа амбиција ќе ја претвориме во резултати“, изјави Чевра.
