Италија: „Барила“ ја открива заборавената приказна за првиот кувар во Формула 1

Компанијата „Барила“ ја претстави својата нова кампања под наслов „Tastes Like Family“, инспирирана од вистинска приказна за слаткарот Луиџи Монтанини, познат по прекарот „Pasticcino“.

Монтанини, слаткар по потекло од Модена, во 70-тите години подготвувал оброци за возачи, инженери, механичари и сите што се нашле во падокот на Формула 1 – за момент запирајќи го секое ривалство. Формула 1 отсекогаш била свет на ривалства и натпревар. Но, над сè, постои место за пријателство. Возачите, механичарите, инженерите – седнувале и го делеле оброкот. Токму храната ги создава тие моменти на поврзаност. Едноставна чинија тестенини која правеше луѓето да се чувствуваат како дома – дури и кога беа далеку од дома, вели Паоло Барила, потпретседател на Barilla Group и поранешен возач во Формула 1.

Во „Барила„ отсекогаш верувавме дека тестенините се многу повеќе од оброк – тоа е начин на поврзување, каде и да сте,“ изјави Иларија Лодиџани, директорка за маркетинг во „Барила“.

Одлучивме нашата нова кампања да ја започнеме со приказната за Pasticcino не само затоа што е шармантна анегдота, туку затоа што е автентичен дел од италијанскиот идентитет. Приказна која покажува како храната, дури и на толку неочекувано место како падокот на Формула 1, може да претвори странци во семејство.“ Оваа приказна, додаде таа, го отсликува она што длабоко е вкоренето во нашата култура и мисија на „Барила“ речиси 150 години.

Од компанијата истакнуваат дека целта на кампањата е да се нагласи моќта на оброкот да ги обединува луѓето, како и да се прослави убавината на секојдневните ритуали.

Како семејна компанија создадена во Парма, водена од генерации браќа, „Барила“ отсекогаш верувала дека тестенините се ветување за грижа, пренесувано од рака на рака, од генерација на генерација. „Tastes Like Family“ е потсетник дека она што нè зближува најчесто е и наједноставно: место за сите на иста трпеза, порачуваат од компанијата.