Работилница: Управување со клучни купувачи

Како најдобро да се воспостави стратегиско управување со купувачи? На кој начин треба да се одвива процесот на преговарање? На овие и на многу други прашања поврзани со управувањето со клучни купувачи ќе дознаете на онлајн-работилницата, закажана на 26 мај 2022 година.

Работилницата во организација на агенцијата „Кликер маркетинг“ и магазинот InStore, ќе ја води Дарко Лукиќ, директор на AMMC (Agency for Management and Marketing Consulting).

Придобивки од учеството на онлајн-работилницата „Управување со клучни купувачи“:

• Запознавање со целите и придобивки од имплементацијата на управување со клучните купувачи;
• Разбирање на улогата на менаџментот на клучните купувачи и разликата во однос на традиционалната продажба;
• Совладување на вештините за рангирање, категоризирање и приоритизирање на купувачите;
• Унапредување на процесот на стратегиско управување со купувачите;
• Вовед во употребата на „стратегиски toolbox“ за управување со купувачи;
• Усовршување на процесот и планирање на преговорите со купувачите, преговарачки стратегии и тактики;
• Усовршување на комуникациските вештини од клучно значење за преговарање: активно слушање, техники на поставување прашања и невербална комуникација.

ПРОГРАМА:

09:00– 10:30

• Концепт, цели, задачи, стратегиски менаџмент vs. продажба; рангирање, категоризација и приоритизација.

10:30 – 10:45

• Пауза

10:45 – 12:15

• Стратегиско управување со купувачи: процес, алтернативни стратегии и евалуација на купувачите; КА-менаџмент „Toolbox“

12:15 – 13:15

• Пауза

13:15 – 14:45

• Процес на преговарање: цели, планирање, стратегии, тактики и стилови;
• Најчести забелешки на клучните купувачи: практични примери;
• Вежба: Управување со приговори од купувачи.

14:45 - 15:00

• Пауза

15:00 – 16:30

• Комуникациски вештини во преговарање: активно слушање, техники на поставување прашања, говор на тело;
• Вежба: преговарање со клучен купувач.

КОТИЗАЦИИ

1 лице – 129 евра

2 лица од компанија – 119 евра по лице

3 лица од компанија – 109 евра по лице

4 и повеќе лица од компанија – 99 евра по лице

(Цените се без ДДВ)

ПРИЈАВИ И КОНТАКТ

Виолета Видоевска

е-пошта: violeta@kliker.mk

моб.: 075 301 927

ЗА ПРЕДАВАЧОТ:

Дарко Лукиќ, директор на AMMC (Agency for Management and Marketing Consulting)

Дипломирал, магистрирал и моментално е на докторски студии на Економскиот факултет во Белград, насока бизнис-менаџмент. Работи на докторската дисертација на тема „Примена на невромаркетиншките техники како поддршка за позиционирање на брендот во свеста на потрошувачите на пазарот на FMCG-производите“.

Своето дваесет и три годишно работно искуство во бизнисот го стекнува на менаџерски, маркетинг и продажни позиции во домашни и меѓународни компании. Во текот на неговата 17-годишна корпоративна кариера тој се унапредувал на менаџерски и лидерски позиции во следните компании: Partner Marketing Research Agency, ING Bank, Nestle, Henkel Central and Eastern Europe Austria, Henkel Srbija, FCB.

Нуди консултантски, менторски и едукативни услуги на следните компании и организации: UNICEF, Delta Holding, Philip Morris, Lesaffre, Pernod Ricard, Imperial Tobacco, Stihl, Western Union, Garmin, Yuhor, Fun&Fit, Danubius, ComTrade, Nectar, MD International, Vital, Omnico distribucija, G3 Spirits, Gorki List, Gomex, Orbico, Fructal, Perutnina Ptuj, Atlantic Trade, Badel 1862, Alca Trgovina, AWT, Alkaloid, Vitaminka, Tikveš, Pelisterka, Makprogres, Prilepska pivarnica, Vitalia, Kola, Ramstore, Reptil итн.

Тој е на листата на меѓународни консултанти на ЕБОР (Европска банка за обнова и развој), член е на IAA (International Advertising Association), AMA (American Marketing Association) и водечки предавач за маркетинг и продажба на „Мокрогорската школа за менаџмент“.