„Рамстор“ го отвори вториот маркет во Штип

Модерно дизајнираниот маркет кој е 34. по ред на малопродажниот трговец во земјава, се простира на продажна површина од 600 квадратни метри и располага со дополнителен магацински простор од 130 квадрати. За услугата се грижи тим од вкупно 17 вработени, а потрошувачите имаат на располагање 3 наплатни каси. Пред објектот е обезбеден паркинг-простор.

Во новоотворениот маркет на потрошувачите ќе им бидат понудени свежо овошје и зеленчук, над 6.000 производи, како и пекарница и месарница во рамките на објектот.

Со новиот маркет во Штип, синџирот „Рамстор“ – Македонија достигна до вкупно 34 маркети во 8 града во земјава, кои се простираат на вкупна површина од 30.000 квадратни метри. Вкупниот број на вработени во компанијата изнесува над 750.

„Рамстор“ – Македонија и оваа година го продолжува инвестицискиот пораст и развој во земјата преку најавата на новите активности и отворање на уште 5 нови маркети до крајот на годината, истакнуваат од компанијата.

Трговскиот синџир „Рамстор“, кој во Македонија почна да функционира на 11 јуни 2005 година, е дел од „Сити плаза холдинг“, компанија што работи веќе 21 година на македонскиот пазар.