„Рептил“ отвори два нови продажни објекти

На 22 април беше отворен „Експрес маркет“, лоциран на улицата Орце Николов, бр. 157А. Новиот објект располага со продажен простор од 130 м2 и дополнителен магацински простор од 20 м2, како и две наплатни каси. Маркетот нуди селектиран асортиман на производи, вклучувајќи свежо овошје и зеленчук, пекарница, деликатеси, свежо месо и риба, како и домашна готова храна.

Една недела подоцна, на 29 април, компанијата го отвори и „Суперета“, на улицата Вич, бр. 6. Станува збор за маркет со површина од 230 м2 и магацински простор од 50 м2. И овој објект располага со две наплатни каси и нуди широк асортиман на производи, меѓу кои свежо овошје и зеленчук, пекарница, деликатеси, свежо месо и риба, домашна готова храна и др.

Со отворањето на новите објекти, „Рептил“ брои 27 маркети и 2 специјализирани продавници за готова храна. Од компанијата посочуваат дека и во наредниот период ќе продолжат со отворање нови продажни локации, паралелно со унапредување на постојните капацитети.

Оваа година е особено значајна за нас, бидејќи обележуваме 30 години од отворањето на првата продавница. Продолжуваме со стабилен развој, постојан квалитет и услуга на високо ниво, со фокус на задоволни вработени, доставувачи и купувачи, велат од компанијата.