„Жито“ отвори два нови маркети

Со повеќе од осумдесет маркети низ државата и континуирано вложување во достапност, квалитет и услуга, синџирот маркети „Жито“ продолжува со проширување на малопродажната мрежа. Последните два во низата нови објекти се отворени во Кавадарци и во скопската населба Кисела Вода.

На 8 април беше отворен вториот „Жито“ во Кавадарци, лоциран на булеварот Македонија, бр. 5. Новиот објект нуди современо уреден простор, богат асортиман со околу 5.000 производи, вклучувајќи пекарница и деликатеси. Вкупната површина на маркетот 258 квадратни метри и располага со 2 каси. Во маркетот има 9 вработени.

Две недели подоцна, на 25 април, беше отворен и нов маркет во Кисела Вода (на фотографијата), на улицата Христо Татарчев, бр. 47А. Вкупната површина на маркетот е 460 квадратни метри и располага со 3 каси. Во тој маркет има 11 вработени и асортиман со околу 9.000 производи.

Од компанијата порачуваат дека со новите отворања продолжуваат да ја реализираат мисијата да обезбедат модерно, практично и пријатно пазарење за секое семејство.