„Акшн“ отвори втора продавница во Хрватска

„Многу сме среќни што ја отворивме нашата втора продавница во Хрватска, во Иванец, нешто повеќе од една недела по отворањето на првата продавница во земјата. Купувачите нè пречекаа топло и ни е драго што можеме да им ја доближиме формулата на „Акшн“. Нашиот успех се темели на силна стратегија, како и на посветеноста и ангажманот на нашите тимови, на што сме многу горди“, изјави Неда Вук Салаба, генерална директорка на „Акшн“ во Хрватска.

Продавницата се простира на 927 квадратни метри, вработува 19 лица и на потрошувачите им нуди асортиман од 6.000 производи во 14 категории.

Трговецот секоја недела воведува 150 нови производи, а повеќе од две третини од производите имаат цена пониска од 2 евра, се наведува во соопштението на компанијата.