„Рамстор“ отвори нов маркет во Козле

Како што информираат од компанијата, новиот објект се простира на 300 квадратни метри и е современо уреден со функционално организиран простор. Потрошувачите ќе можат да избираат од 4.500 производи, со фокус на квалитет, свежина и разновидност, обезбедувајќи пријатно и ефикасно купувачко искуство.

Маркетот вклучува оддел за деликатеси, пекарница со секојдневно свежо подготвени производи и оддел со сезонско овошје и зеленчук, како и широк избор на производи за секојдневни потреби.

Со отворањето на новиот маркет, „Рамстор“ го продолжува својот пораст и присуство на пазарот, со цел да обезбеди долгорочна вредност за потрошувачите, партнерите и заедницата, истакнуваат од компанијата.