(ВИДЕО) Pringles ги слави споделувањето и поврзаноста

Брендот Pringles претстави нова европска платформа под името „Pass the Pringles“, со која ќе биде активен на 14 пазари низ Европа. Кампањата во преден план ја става радоста на споделувањето и малите моменти што ги зближуваат луѓето.

Новата креативна насока на Pringles произлегува од сознанието дека уживањето во чипсот не се сведува само на вкусот, туку и на искуството на споделување со другите. Во динамиката на секојдневието, кога вистинските човечки контакти лесно се занемаруваат, брендот потсетува дека едноставен гест – подавање кутија чипс, може да создаде чувство на блискост.

Централниот дел од кампањата е главниот филм, зад кој стои креативниот колектив „Трактор“. Во него се раскажува за двајца чистачи на прозорци кои, високо над земја и закачени на фасада од облакодер, изведуваат смели потези само за да си подадат пакување чипс. Додека тие се нишаат во воздух, вработените во канцелариите зачудено ги следат нивните акробации. Видеото е дополнето со енергичната нумера St Elmo’s Fire (Man in Motion) од Џон Пар, која внесува динамика и носталгична атмосфера.

Освен главниот спот, кампањата опфаќа и серија содржини за социјалните мрежи, прикажувајќи секојдневни ситуации во кои луѓето споделуваат чипс – за време на гејминг-сесии, фудбалски натпревари или опуштени дружби со аперитив.

Активностите ќе бидат поддржани и со надворешно и дигитално огласување во повеќе европски метрополи, како Лондон, Мадрид, Берлин, Париз и Милано. Визуелните материјали прикажуваат различни профили на луѓе – од астронаути до деловни жени, поврзани преку истиот симболичен чин на споделување.