125 години присуство – фокус на локалните продавници

Coca-Cola го одбележува 125-годишното присуство на британскиот пазар со истакнување на малите продавници.

Како дел од прославата на 125 години од присуството на Coca-Cola во Велика Британија, компанијата лансира документарен серијал кој го истакнува значењето на локалните маалски продавници, познати како „corner shop“.

Серијалот, под наслов „The Bosses“ (Шефовите), е дело на режисерот Рoс Болидаи и фотографката Серена Браун.

Шесте кратки документарни филмови ги откриваат вистинските личности зад пултовите на малите продавници со мешовита стока. Фокусот е ставен на сопствениците, односно на луѓето што се во срцето на британската малопродажба. Според истражувањето на „Кока-Кола“, повеќе од една третина од Британците сметаат дека маалската продавница е неопходен дел од нивниот секојдневен живот.

Локалните трговци се многу повеќе од продавачи – тие се градители на заедницата и често се првите што помагаат кога е најпотребно. Овој серијал има цел да ја препознае нивната посветеност и да ја слави вредноста што ја носат – не само во економскиот контекст, туку и преку доверба, грижа и поврзаност, изјави Стивен Мурхаус, извршен директор на „Кока-Кола Еуропацифик партнерс“.

За да ги поддржи локалните трговци, компанијата ќе му додели петцифрен износ на секој од сопствениците на малите продавници што се прикажани во серијалот.