🎥 Lavazza во филмската приказна на Скорсезе

Режисерка на „Family Blend“ е Франческа Скорсезе, која во серијата настапува и како актерка заедно со својот татко, легендарниот оскаровец Мартин Скорсезе. Во серијата се појавува и холивудскиот актер Џејсон Бигс. Секоја епизода трае од две до три минути и се објавува еднаш месечно преку меѓународните канали на Lavazza, како и преку каналите на авторите.

Сместена на препознатливите улици на Њујорк, серијата ги прикажува разговорите меѓу татко и ќерка за креативноста, семејните спомени и пренесувањето на уметничката инспирација од една генерација на друга. Во приказната кафето е природен дел од секојдневните моменти – не како класичен рекламен производ, туку како повод за поврзување, разговор и споделување.

Со новата кампања Lavazza ја продолжува својата глобална комуникациска платформа „Pleasure Makes Us Human“ (Задоволството нè прави луѓе), ставајќи го во преден план автентичното раскажување наместо традиционалните рекламни пораки. Концептот истовремено ја нагласува експертизата на брендот во создавањето кафе-мешавини, но и симболичното спојување на различни генерации, креативни пристапи и уметнички визии.

Главниот директор за маркетинг на „Лаваца груп“, Карло Колпо, истакнува дека проектот го претставува кафето како културен ритуал што ги поврзува луѓето, идеите и идентитетите. Според него, соработката со Мартин и Франческа Скорсезе му овозможува на брендот да стигне до глобалната публика преку квалитетна содржина и современи дигитални формати.