Планограмите како алатка за раст во малопродажбата

Синиша Костовски, category manager, „Тинекс“

Начинот на кој категориите, брендовите и поединечните производи се позиционирани во просторот директно влијае врз однесувањето на купувачите. Добро осмислената поставеност не само што ја зголемува продажбата, туку го поедноставува изборот и го подобрува целокупното искуство на купување.

Зад секој успешен распоред стои јасна логика. Категориите треба да се поврзани во функционална целина, а просторот да се распределува според продажбата и профитабилноста, но и според нивната меѓусебна компатибилност. Целта е да се создаде природен тек низ кој купувачот се движи интуитивно, без чувство на преоптовареност.

Планограмот се темели на анализа на продажбата, вредноста и профитабилноста на секој сегмент. Но, не постои универзално решение — секоја категорија бара индивидуален пристап и длабоко познавање, до ниво на поединечен производ.

Овој распоред е само основа. Вистинската разлика се прави со планограмите, детално осмислени распореди на производите внатре во секоја категорија. Тие подразбираат внимателен избор на асортиманот и негово прецизно позиционирање.

Она што на прв поглед изгледа едноставно, во суштина е резултат на сериозен аналитички и креативен процес. Планограмот се темели на анализа на продажбата, вредноста и профитабилноста на секој сегмент. Но, не постои универзално решение — секоја категорија бара индивидуален пристап и длабоко познавање, до ниво на поединечен производ.

Затоа, планограмите денес не се само техничка алатка. Тие се средство за создавање конкурентска предност, тие се врска помеѓу податоците и просторот, стратегијата и визуелизацијата, асортиманот и реалната продажба.

И можеби најважно — тие ја прават разликата. Разлика што не се гледа веднаш, но се чувствува во секоја кошничка.