Дизелот поевтинува за 6,5 денари, бензините со благо поскапување

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши намалување на малопродажните цени на нафтените деривати во просек за 3,84% во однос на одлуката од 26.5.2026 година.

Според новата одлука на РКЕ, дизел горивото и екстра лесното масло за домаќинство поевтинуваат за 6,50 денари по литар, мазутот се намалува за 3,238 денари по килограм, додека бензините ЕУРОСУПЕР БС-95 и БС-98 поскапуваат за 0,50 денари по литар.

Новите цени стапуваат во сила по полноќ, односно од 2 јуни во 00:01 часот, и претставуваат максимално дозволени цени, додека трговците можат да ги продаваат и по пониски цени.

„Референтните цени на нафтените деривати на светскиот пазар во споредба со претходната пресметка бележат намалување и тоа во просек: кај бензините за 10,867%, кај дизелот за 10,622%, кај екстра лесното масло за 10,136% и кај мазутот има намалувањето е за 8,238 %. Курсот на денарот во однос на доларот во изминатиот период по кој беа формирани цените со претходната пресметка е повисок за 0,0272%“, соопштија од РКЕ.

Најголемо намалување има кај дизелот и екстра лесното масло за домаќинство, чии цени се намалуваат за 6,50 денари по литар.

Од друга страна, цените на бензините ЕУРОСУПЕР БС-95 и ЕУРОСУПЕР БС-98 се зголемуваат за 0,50 денари по литар.

Цената на мазутот е намалена за 3,238 денари по килограм.