Црна Гора: Продолжена мерката за ограничување на цените

Потпретседателот на црногорската влада, Ник Џељошај соопшти дека продолжува мерката за ограничени цени, со која се ограничуваат цените на четирите основни производи, но и дека ќе се прошири списокот на уште неколку производи на кои ќе се примени ваквата мерка.

 Како што истакнува Џељошај, акцијата ќе биде продолжена за уште еден месец и ќе трае до крајот на јуни, после што ќе се разгледа можноста дали ќе продолжи повторно.

 Во следните 30 дена ќе провериме како трговците ќе регираат на ова. Мојата порака е партнерска, сакаме заедно да ја креираме економската политика. Очекувам сите домашни производи да бидат добро позиционирани и секогаш достапни во продавниците. Ќе имаме контрола секој ден и после 30 денови анализа ќе видиме кои ќе бидат новите мерки, изјави потпретседателот на владата.

 Тој додава дека на основа на истражувањата за кои била ангажирана посебна агенција, а и на основа на истражувањата од „Монстат“, се покажало дека акцијата за ограничени цени била успешна.

Извор: Bankar.me

Фото: Pexels