Промена на највисокото раководство во компанијата „Хенкел“ Србија

Од компанијата „Хенкел" Србија соопштено е дека Кристоф Тил од 1 април ја презеде функцијата генерален директор на компанијата, како и директор на работниот сектор Детергенти и средства за домашна хигиена.

Во рамките на новите должности, со својот тим во секторот Детергенти и средства за домашна хигиена Тил ќе биде одговорен за работењето на пазарите во Србија, Црна Гора, Македонија, Албанија и за брендовите како што се Merix, Persil, Mer, Bref, детски сапуни и др.

Тил на оваа позиција го наследува Георг Грасл, кој од 1 април ги презеде новите должности во Виена на функцијата директор на секторот Детергенти и средства за домашна хигиена за пазарите во Австрија. На оваа позиција доаѓа од функцијата директор на работниот сектор Детергенти и средства за домашна хигиена на компанијата „Хенкел", за јадранскиот регион, што ги опфаќа Хрватска, Словенија и Босна и Херцеговина.

Во својата долгогодишна кариера во компанијата, Тил се стекна со искуство од областа на националниот и меѓународниот маркетинг, како и искуство во продажбата на пазарите во Австрија, Германија, Турција и јадранскиот регион, вршејќи ја функцијата директор на менаџментот за клучните купувачи како и менаџер за стратешкото работење за регионот средна и источна Европа. Дипломирал економија и работна администрација.