Продавници на „Меркатор“ во Марибор и во Јесенице

„Меркатор" отвори две нови продавници од форматот „сосед", и тоа обновениот маркет „Маја" во Марибор и маркетот на ул. „Маршал Тито" бр.79 во Јесенице. 

Маркетот „Маја" на ул. „Врбанска" бр.3 во Марибор, се простира на 305 квадратни метри, а за услугата се грижат 17 вработени. Целата опрема во маркетот е нова, а нови се и пекарниците и месарницата кои имаат подобрен асортиман на производи.

На одделението за овошје и зеленчук додадени се полици за сезонски производи, одделението за деликатеси збогатено е со свежи и пакувани производи. Новост во маркетот е понудата на еко-производи.

Маркетот на ул. „Маршал Тито" бр.79 во Јесенице се простира на 478 квадратни метри, а во него вработени се 19 луѓе. И во него се воведени новитетите како и во маркетот „Маја".

Од „Меркатор" најавуваат отворање на уште неколку продавници, како продолжување на овој концепт и тоа на 19.02 во Изола, на 26.02 во Подпеци и на 13.03 во Кобарид.