Прехранбената индустрија стагнира

Опсегот на производство на храна и пијалаци минатата година се намали за 5%, а се намалија и продуктивноста и додадената вредност на вработените. 

Проблемите на словенечките прехранбени претпријатија се последица на недостапноста на финансиски средства, агресивна конкуренција, како и на барањата на странските доставувачи за пократни рокови за плаќање (некогаш дури и авансно плаќање) поради лошиот бонитет и неможноста за инвестирања, предупредува Татјана Закорц, директорката на Комората за земјоделски и прехранбени претпријатија ГЗС (Стопанска комора на Словенија). Како уште еден проблем, таа ја истакна и законодавната рамка како што е на пример новата такса на благи пијалаци. 

Според претседателот на Управата на АД „Жито", Јанез Бојц, словенечките прехранбени претпријатија направиле најголеми грешки во втората половина од деведесеттите години од минатиот век: наместо да го преселат производството на пазарите во останатите држави од тогашна Југославија, тие се ширеле само со извоз.