Пожар привремено го забави снабдувањето на објектите dm

На 23.02 во раните утрински часови изби пожар во магацините што се наоѓаат во Белград, на ул. „Бора Станковиќ" во населбата Макиш. Меѓу останатите, со пожарот се зафатени и магацините на компанијата dm drogerie markt, соопштено е од компанијата.

На опожареното место беа 60 пожарникари со 20 возила кои го контролираа огнот во објектот што опфаќа површина од 3.000 квадратни метри и спречија да дојде до опасност по животната средина, се наведува во соопштението.

За среќа нема човечки жртви, а според податоците на Заводот за заштита на природата нема ризик по животната средина и луѓето што живеат на тој дел од градот.

Најважно за нас е што нема повредени и во моментов нема опасности по животната средина. Исто така, сакаме да споменеме дека се сигурни сите работните места на сите 67 вработени во Макиш, изјави заменик директорката Александра Оливера Коричи, која им се заблагодари на сите комунални и јавни служби на големата професионалност и брзата реакција.

Како што соопштија од dm, вкупната стока и инвентар што се наоѓа во магацинот се уништени во пожарот кој предизвика голема материјална штета и привремено го забави снабдувањето со стока на продажните објекти dm во наредните неколку дена. Проценката за висината на штетата е во тек и ќе биде позната по комплетната санација на пожарот во овој објект. 

Со тимското ангажирање на комуналните и јавните служби, со партнерите и сите вработени во компанијата dm, се работи на воспоставување на редовните процеси на работа, за да во пократок рок се отстранат последиците од пожарот, порачаа од dm.