Повеќе од половина плата за храна

Вредноста на минималната потрошувачка кошница во Црна Гора за оваа година изнесуваше 791 евро, соопшти „Монстат".

Од вкупната вредност, за храна и безалкохолни пијалаци се потрошиле 246,7 евра, за непрехранбени производи и услуги 349,5 евра и за станарина 194,8 евра.

Според статистичките податоци, едно четиричлено семејство минатиот месец најмногу потрошило пари за станарина, снабдување со струја, вода, како и купување на гориво (88,3 евра во просек).

За купување млеко и млечни производи четиричлено семејство потрошило 71,2 евра, а најмалку за безалкохолни пијалаци, 1,1 евро, пренесува порталот CDM.

За купување леб и производи од жито семејството одвоило 32,6 евра, за зеленчук и преработки од зеленчук 37,3 евра, овошје и преработки од овошје 27,4 евра, за месо 49,2 евра, риба 5,8 евра, а за масла и масти 6,2 евра.

Ако се земе предвид просечната нето-плата во Црна Гора (478 евра), произлегува дека едно четиричлено семејство потрошило повеќе од половината од заработувачката само за храна.

Вкупната вредност на минималната потрошувачка кошница во јули 2014 година е намалена за 1,4 на годишно ниво, а во однос на декември 2013 година е помала за 0,9%, се додава во соопштението на „Монстат".