Повеќе од 85 брендови пиво во Maxi

Избор од 85 различни брендови пиво ќе им биде достапен во текот на летото на потрошувачите во супермаркетите Maxi на белгиската компанија „Делез" во Србија.

Купувачите во супермаркетите на Maxi ќе можат да одберат проверени пива, со традиција, но и да бидат авантуристи - да го пробаат првото органско пиво од Србија, или да почувствуваат какво е пивото кога ќе се здружат занаетската изработка на пиво и техниките за зачувување на квалитетот на производот, беше речено на промоцијата што се одржа во Maxi супермаркетот „Алонсо" во Белград.

Први што уживаа во вкусовите на изборот од пиво што ќе биде достапен во супермаректите Maxi, беа амбасадорите на Белгија и на Холандија, претставниците на „Хајнекен", на „Апатинска пивара" и на „Карлсберг", како и на компаниите „Јовања" и крафт-пиварница „Бунт 99".