Пораст на трговската размена

Во првата половина од оваа година Словенија евидентираше пораст во трговската размена со пораст на извозот од 5,8 отсто и на увозот од 4,1 отсто во однос на истиот период минатата година.

Податоците од Заводот за статистика во Љубљана покажуваат дека извозот во првите шест месеци од 2015 година, заклучно со јуни, достигна вредност од 11,93 милијарди евра, а увозот 11,57 милијарди евра, со трговски дефицит од 355,7 милиони евра.

Во јуни извозот порасна за 10,9 отсто на годишно ниво на 2,15 милијарди евра, а увозот за 6,6 отсто на 1,98 милијарди. Покриеноста на увозот со извоз во јуни порасна за 108,4 отсто, а трговскиот суфицит на 167,3 милиони евра, што претставува најголемата месечна вредност за оваа година.

Суфицитот е остварен благодарение на порастот на извозот во земјите од ЕУ и падот на увозот од земјите надвор од ЕУ, стои во соопштението на Заводот.