Во 2013 година „Атлантик" оствари приходи од продажба во износ од 664,6 милиони евра, што во однос на истиот период од минатата година претставува пораст од 2,5%.
Добивката пред каматата и данокот (ЕБИТ) од 55,9 милиони евра се зголеми за 6,4%, во однос на консолидираната добивка во 2012 година, а нето-добивката изнесува 25,6 милиони евра, благодарејќи меѓу другото, и на намалените трошоци на каматите по рефинансирањето, кон крајот на 2012 година.
И покрај отежнатите услови на тргување во последните години, особено во регионот на југоисточна Европа каде што „Атлантик Група" го остварува најголемиот дел од проходот, во 2013 година продолживме со порастот, исполнувајќи ги очекувањата. Компанијата е ориентирана кон интернационализација, а истовремено продолжуваме да вложуваме и во развојот на брендовите во сопственото портфолио, како и ширење и зајакнување на дистрибутивното тргување, истакна Емил Тедески, претседател на „Атлантик Група".
Уште на почетокот на 2013 година „Атлантик Група" ги имплементираше новите комерцијални услови на хрватскиот пазар, а во текот на годината и понатаму го ширеше дистрибутивното портфолио, како и декемврискиот договор за преземање на „Унилевер" за хрватските и словенските пазари. Во портфолиото на „Унилевер", еден од најголемите светски произведувачи на стока за широка потрошувачка, се глобално познатите брендови: Knorr, Hellman's, Axxe, Rexona, Signal, Coccolino, Domestos, Cif и други. Договорот со „Унилевер", вклучувајќи ја вкупната годишна вредност на продажбата, е вреден 32 милиони евра.
Во третиот квартал „Атлантик Група" почна вложување и во нова фабрика за спортска и активна храна, во Нова Градишка. Проектот е вреден 16 милиони евра и во првата година на производство ќе отвори 50, а понатаму и уште 160 нови работни места. Почетокот на изградба на фабриката се планира во април, 2014 година, а првите производи на новата линија се очекуваат на пазарот во првиот квартал на 2015 година.
За вкупниот пораст на приходите од продажба во „Атлантик" во 2013 година, најмногу придонесоа категориите: спортска и активна прехрана (14,9%) со најдобри резултати на пазарите на Германија, Шпанија и Русија; здравје и нега (5,1%), со пораст на хрватскиот и рускиот пазар; како и слатко и солено (2,8%) со пораст на пазарите во Србија, Македонија и Хрватска. Кафето со 21,5% во вкупниот приход, се истакнува како најголема поединечна кетегорија, со 143 милиони евра.
Сопствените трговски марки на „Атлантик Група" во продажбата учествуваат со 72,5%, дистрибуцијата на производите со 15%, аптекарскиот синџир „Фармациа" со 6,1%, додека производите што „Атлантик" ги произведува како приватни трговски марки за големите трговски системи во земјата и во странство, во вкупниот приход од продажба учествуваат со 6,4%.
