Пораст на извозот во првите пет месеци

Во првите пет месеци извозот на БиХ  достигна вредност од околу 1,76 милијарди евра, што е за 10,8 отсто повеќе во однос на истиот период минатата година, додека увозот изнесува 3,48 милијарди евра и е помал за 0,5 отсто.

Во овој период покриеноста на увозот со извоз изнесува 57,6 отсто, додека надворешно-трговскиот дефицит на стока изнесува 1,3 милијарди евра, е соопштено од Агенцијата за статистика на БиХ.

Извозот во земјите од ЦЕФТА изнесува околу 0,63 милијарди евра, што е за 4,6 отсто повеќе од истиот период минатата година, додека увозот изнесува 0,7 милијарди евра и е помал за 7,6 отсто.

Кога станува збор за надворешно-трговската размена со земјите од ЦЕФТА, покриеноста на увозот со извозот изнесува 75,1 отсто. 

Извозот во земјите од ЕУ во набљудуваниот период изнесува 1,31 милијарди евра, што е за 10,3 отсто повеќе отколку во истиот период минатата година, додека увозот изнесува 1,45 милијарди евра и е поголем за 0,8 отсто. Покриеноста на увозот со извоз е 72,4 отсто.