„Подравка“ стекна дел од акциите на „Мирна“

„Подравка" соопшти дека на јавното наддавање на Загрепската берза стекна вкупно 198.209 акции или 53,85 отсто од акциите на „Мирна".

Како што се наведува, станува збор за акциите што преку инвестициските друштва „Подравка" ги продаваше во постапката на надворешно-судско порамнување, односно акциите што ги имаше нејзиниот заложен должител „Плурис" од Вараждин.

Според извештајот од јавната аукција, објавен на Загрепската берза, три пакети на акции на „Мирна" се продадени по почетна цена и за 53,85 отсто од акциите почетната и продажната цена изнесува 7,53 милиони куни.

Претседателот на синдикатот на вработените во земјоделство, прехранбената и тутунската индустрија на Хрватска, Шимо Орешковиќ во изјава за „Хина" рече дека купувањето на „Подравка" на 53,85 отсто од акциите значајно го менува статусот на „Мирна" и поради тоа синдикатот ќе ја промени политиката и ќе настојува да го избегне стечајот.