„Подравка“ оствари рекордна нето-добивка

На седницатана надзорниот одбор на „Подравка" презентирани се деловните резултати на компанијата и именуван е нов член на управата – Ива Брајевиќ, задолжена за финансии.

Главно обележје од резултатите од работењето на групацијата „Подравка" за 2015 година, е остварувањето на рекордна нето-добивка. Таа во минатата година изнесуваше 52,3 милиони евра, што претставува значителен пораст во споредба со 2014 година, кога нето-добивката инзесуваше 12,2 милиони евра. На рекордниот пораст на нето-добивката влијаеле позитивниот пораст на „Жито" како и остварениот даночен приход од поттикнувањата добиени за изградба на новата фабрика „Белупo".

Во 2015 година групцијата оствари пораст на приходите од продажбата од 7,8 отсто, односно 496,4 милиони евра. Страешко-деловното подрачје – прехрана, оствари приходи од продажбата во износ од 390,5 милиони евра, што претставува пораст од 11,5 отсто во споредба со 2014 година. На порастот на продажбата позитивно влијание, од околу 31,4 милиони евра, има „Жито", чии приходи се вклучени од 1 октомври 2015 година.

| Нов член на управата на „Подравка" Нов член на управата на „Подравка" е Ива Брајевиќ, која во компанијата работи од 2013 година на позицијата директор на корпоративното сметководство и даноци, а од септември 2015 година и на позицијата директор за контролиг.  Претходно работела во неколку меѓународни компании со седиште во Хрватска, меѓу кои ДХЛ и „Унилевер". Мандатот на Брајевиќ, која ќе биде задолжена за финансиите, почнува од 1 април, а ќе трае до целосниот престанок на мандатот на управата. |