„Подравка“ оствари добивка од околу 13 милиони евра

Нето-добивката на групацијата „Подравка", во првите шест месеци од годинава, изнесува околу 13 милиони евра. Со тоа е остварен пораст од 5,8 отсто во споредба со истиот период минатата година.

Како што соопштуваат од компанијата, приходите од продажбата во набљудуваниот период пораснаа за 26,2 отсто, односно на 264 милиони евра.

Стратешко-деловното подрачје прехрана, оствари приходи од продажбата во вредност од 213,9 милиони евра, што претставува пораст од 34,3 отсто. Овој пораст, во голема мера му се препишува на преземањето на словенечката компанија „Жито". Приходите од продажбата на второто стратешко-деловно подрачје фармација, достигнаа 50,7 милиони евра и во споредба со минатата година забележаа пораст од 0,4 отсто.

Според соопштението на оваа групација, негативно влијание на продажбата имаа курсните разлики и тоа во вкупен износ од 5,7 милиони евра, со тоа што најголемо негативно влијание забележа руската рубља (околу -3,4 милиони евра), како и евртото (-789 илјади евра).

Инаку, неодамна „Подравка" потпиша договор со „Адриатик груп" од Виена, за дистрибуција и пласман на своите производи на пазарите во ЕУ. Со оваа соработка, „Адриатик груп" станува дистрибутер на производите на „Подравка" на пазарите во Германија, Австрија, Швајцарија, Франција, Холандија, Белгија и Луксембург.