„Подравка“ најави проширување и аквизиции во Русија

Хрватската компанија „Подравка" најави амбициозни планови за проширување на рускиот пазар, кои вклучуваат поттикнување на локалното производство и аквизиции.

Во следните пет години, целта на „Подравка" ќе биде пораст на меѓународните пазари, како органски, така и преку стратешки партнерства со локалните компании. Русија ја гледаме како главен пазар за понатамошниот пораст и развој, користејќи ги и двата модела, а очекуваме двоцифрени стапки на пораст, рече Звонимир Мршиќ, претседатен на управата на „Подравка".

По повод 50-годишното работење на копривничката компанија на рускиот пазар, Мршиќ истакна дека се надева оти во иднина „Подравка" ќе има локално производство во Русија преку аквизиции, или преку браунфилд и гринфилд инвестиции.

Рускиот пазар е првиот извозен пазар на „Подравка", уште од 1967 година. Оттогаш, многу работи се променија, но во глобалната стратегија на компанијата, рускиот пазар е водечки, во смисла на пораст и на развој, истакна тој.