„Подравка“ и ЕБОР потпишаа синдициран кредит

„Подравка" со ЕБОР како и со три комерцијални банки „Ерсте Груп", банката „Рајфајсен Интернешнл" и банката „Уникредит" Австрија потпишаа синдициран договор за кредитирање во износ од 73,4 милиони евра.

Со овие средства „Подравка " ќе ги рефинансира постоечките кредити со значително пониска каматна стапка и ќе ги пролонгира роковите. ЕБОР, како аранжер на синдикатот, ќе учествува со сопствени средства во износ од 30 милиони евра, додека останатите 43,4 милиони евра се од останатите банки во синдикатот - „Ерсте Груп", банката „Рајфајсен Интернешнл" и банката „Уникредит" Австрија. 

Со овој аранжман „Подравка" ќе го продолжи процесот на реструктурирање со цел постигнување на регионален и интернационален пораст и развој.

Рокот за отплата на кредитот е пет години со тоа што 75 отсто од кредитот е амортизирачки дел со рамномерни квартални отплати на основниот капитал.

Понискиот трошок за финансирање ќе ги направи инвестициските можности поатрактивни и со тоа ќе придонесе за идниот пораст на „Подравка", се наведува во соопштението. Во изминатите години „Подравка" оствари значајни подобрувања на оперативно и финансиско ниво, што е препознаено од страна на ЕБОР и банките синдикати кои со овој договор ја потврдуваат својата доверба во стабилноста и работењето на компанијата.

Овој нов кредит ја покажува нашата трајна поддршка како долгорочен партнер на „Подравка", а нашата верба во иднината на компанијата е потврдена на пазарот на капиталот, кажа првиот претставник на ЕБОР Фил Бенет.

Новите средства на компанијата ќе и овозможат стабилна позиција на домашниот пазар и регионален пораст преку успешно завршување на сегашниот план за реструктурирање, објасни Банет.

Дефинираните услови според кои ќе биде реализиран овој аранжман ја покажуваат вербата на меѓународните банкарски институции во порастот и развојот на нашата компанија како и остварувањето на амбициозните цели, изјави претседателот на Управата Звонимир Мршиќ.