Почна со работа вториот „Гомекс“ во Белград

Вториот малопродажен објект на „Гомекс" во Белград беше отворен на 14 август, на улицата „Јанко Вукотиќ", бр. 30, во населбата Лабудово брдо.

Потрошувачите не го криеја одушевувањето од изгледот на новата продавница на „Гомекс", како и од богатата понуда од речиси 5.000 различни артикли, соопштија од компанијата.

Супермаркетот се простира на продажен простор од 450 квадратни метри, располага со три каси, а за квалитетната и брза услуга се задолжени 18 нови вработени, кои успешно ја поминаа обуката во тренинг-центарот „Гомекс" во Зрењанин.

Ова е уште една од низата новоотворени продавници, каде што се применуваат новите стандарди на „Гомекс", од аспект на изложување на производите, разладните витрини, графичкото уредување на надворешниот и на внатрешниот простор. Резултатот од новите, современи стандарди за форматирање на малопродажните објекти е зголемено задоволство при купувањето, се наведува во соопштението.