Почеток на извоз во регионот

Според зборовите на Младен Андриќ, директорот на „Перутнина Птуј БХ", компанијата оваа година ќе почне со извоз на производи на пазарите на Црна Гора, Србија и Македонија.

Според првите најави, би требало да има прва испорака и за Албанија и за Обединетите Арапски Емирати во декември, а во тек се и преговорите со Турција, каде што, според зборовите на Андриќ, првите пратки можат да бидат испорачани во втората половина на 2013 година.

Како што додаде, инвестициите во голема мера ќе бидат условени од количеството на извозот, а доколку работењето со Турција се одвива во очекуваниот обем, можна е инвестиција во проширување на погонот.

Во фабриката во Србац, според неговите зборови, веќе се работи на проширување на капацитетите за околу 120.000 грла живина за гоење. Тоа е инвестиција вредна околу 1,2 милиони евра, што ќе донесе работа за нови 20 вработени.