По шести пат „дм дрогерие маркт“ е најдобар работодавец

Шести пат по ред „дм дрогерие маркет" е прогласен за најдобар работодавец во категоријата големи компании, според независното истражување за задоволството на вработените, во организација на порталот „Мој посао".

Во текот на десет години, колку што се спроведува истражувањето, секоја година „дм дрогерие маркт" е меѓу првите три работодавци во Хрватска.

Резултатите покажаа дека 97 отсто од вработените во „дм дрогерие маркт" ги разбираат долгорочните цели и стратегијата на оваа компанија, а повеќе од 96 отсто изјавиле дека би биле среќни доколку остатокот од кариерата го поминат во dm.

Годинава „дм дрогерие маркт" прославува 20 години од работењето во Хрватска и чест ни е што годишнината ја заокруживме со вакво признание доделено од вработените. Сакам да им се заблагодарам на колегите и колешките кои секојдневно со својот труд го создаваат dm. Ќе продолжиме да работиме на тоа да ги оправдаме овие високи оценки, изјави Наташа Одак, менаџер за развој на човечки ресурси во dm.

Дваесет години по отворањето на првата дрогерија dm во Хрватска, компанијата вработува 1.327 вработени кои и годинава ќе бидат наградени со 13 и 14 плата. Во изминатите години, во соработка со Задругата на слепи и луѓе со слаб вид, организираше 600 масажи за вработените, а во соработка со Центарот за инклузивни работни активности, 60 корисници на центарот извршуваат работни задачи во продавниците, централите и дистрибутивните центри на „дм дрогерие маркт".