„Плодине“ во Славонски Брод

Трговскиот синџир „Плодине", со седиште на Управата во Ријека, во рамките на трговскиот центар „Сити Колосеум" во Славонски Брод го отвори 72 објект со големина на супермаркет, соопштено е од компанијата.

Вкупната вредност на инвестицијата изнесува 12 милиони куни (1,6 милиони евра). Објектот се простира на продажна површина од 3.500 квадратни метри, а на купувачите им нуди повеќе од 20.000 брендови, како и 850 производи од сопствената трговска марка. Работа им е обезбедена на 60 работници.

Покрај прехранбените и непрехранбените производи и дрогериски артикли, во супермаркетот може да се најде и асортиман на производи за домаќинство, текстил, програма за деца, свежи пекарски производи и сезонска стока. Како што кажуваат од синџирот, најголем дел од производите е резултат на соработката со домашоните производители.

Во изминатите пет години „Плодине" отворија 32 нови објекта. Во синџирот известуваат дека имаат за цел зголемување на вкупните приходи на околу 5 милијарди куни годишно (околу 670 милиони евра), како и зацврстување на пазарниот удел од 20%.
Согласно со најавените идни планови, кон средината на мај „Плодине" ќе отворат супермаркет на островот Крк, стои во соопштението.