„Плодине“ го отворија 81. продажен центар

„Плодине" го отворија 81. продажен центар, инвестиција вредна 6 милиони евра која е дел од стратегијата за ширење на малопродажната мрежа во Хрватска.

Новиот супермаркет се наоѓа во Пула, на ул. „Мутилска" бр.60б.

Вредноста на инвестицијата изнесува 6 милиони евра, а со неговото отворање вработени се 45 луѓе. Супермаркетот, кој е изграден според најновите стандарди на овој трговски синџир, се простира на 2.500 м² и обезбедени се 160 паркинг-места. Со начинот на распределба на одделите и на асортиманот, на потрошувачите им се овозможува функционално и пријатно купување, со примена на најмодерните стандарди во трговијата.

Во поглед на асортиманот, прехранбените производи сочинуваат 65% од понудата, а другиот дел се непрехранбени производи. Новитет во супермаркетот, меѓудругото, е пекарницата во која потрошувачите самите можат да се послужуваат. На потрошувачите достапни им се 15.000 производи, а дел од понудата е и приватната трговска марка Plodine, која опфаќа 700 квалитетни производи по поволни цени.