Пет милиони евра кредит за „Агрожив“

Фондот за развој на Република Србија му одобри на „Агрожив" кредитен аранжман во износ од пет милиони евра, со што се создадоа услови за непречено функционирање на компанијата до крајот на 2013 година и за пронаоѓање стратешки партнер.

Како што пренесува агенцијата „Бета", реализацијата на кредитот се очекува да започне на почетокот од следната недела.

До тешка ситуација во компанијата дошло поради прекинот на обезбедување обртен капитал во октомври минатата година. Обртниот капитал во 2011 и 2012 година го обезбедувавме преку позајмица од јавното претпријатие „Србија гас". Тој модел прекина и не бевме во можност да работиме со комерцијалните банки. Единствено што ни преостана беше да се обратиме до државата за помош, за компанијата да продолжи да работи без пречки се до пронаоѓањето на стратешки партнер, истакна Предраг Амиџиќ, директорот на „Агрожив".

Според него, првични преговори за партнерство се започнати со италијанската групација „Веронеси". Партнерот има за цел свежото месо да го произведува во нова кланица и да го извесува во Русија, Белорусија и Украина.