„Перутнина Птуј“ отвори нов технолошки центар во Чаковец

Во својата фабрика „Пипо“ во Чаковец, „Перутнина Птуј“ отвори технолошки центар за обработка на пилешко месо каде што е вложено вкупно 2,6 милиони евра. Со оваа инвестиција на компанијата ќе ѝ биде овозможено подобрување на целокупниот систем на квалитет, безбедност и синџир на снабдување.

Во својата фабрика „Пипо" во Чаковец, „Перутнина Птуј" отвори технолошки центар за обработка на пилешко месо каде што е вложено вкупно 2,6 милиони евра. Со оваа инвестиција на компанијата ќе ѝ биде овозможено подобрување на целокупниот систем на квалитет, безбедност и синџир на снабдување.

Оваа инвестиција е резултат на сè поголемите потреби за силна и модернизирана инфраструктура, бидејќи за нас, со влегувањето на Хрватска во ЕУ, се отворија нови пазари, изјави директорот на компанијата од Чаковец, Предраг Шеговиќ.

Како што порачуваат од „Перутнина Птуј", фабриката „Пипо" со инвестирањето стана столб на работењето во Хрватска и референца за создавање на интегриран процес на производство. Со инвестициите компанијата одговара на барањата на пазарот и создава дополнителна вредност.

Проектот е кофинансиран од ЕУ, бидејќи инвестицијата е поддржана од ИПАРД во контекст на развој на домашната индустрија.