Парк во Загреб доби свое пиво

Еден од загрепските паркови доби свое сопствено пиво, како дел од уметничкиот проект „Арт парк", кој веќе второ лето го организира арт-колективот „Pimp my Pump", познат по своите сликарски интервенции врз градските чешми во Загреб и просторот околу нив.

Со уметничките интеревенции во просторот, уметничката група успеала да заживее еден од напуштените паркови во хрватската престолнина, некогаш познат како собиралиште на зависници од дрога, и од него да направи атрактивен простор за секојдневно дружење.

Art Park Pivo е резултат на повеќегодишната соработка „Pimp my Pump" со пиварницата „Медведград". Станува збор за пиво од стилот виенски лагер, кое според хрватскиот пивски критичар Марко Ожеговиќ е апсолутно логичен производ на уметноста и крафт-пиварството, кое е на чекор до вистинската уметност.