„Палома“ го зголеми пазарниот удел

Во првото полугодие од оваа година, „Палома“ го насочи фокусот на работењето на земјите од регионот, каде со активен маркетинг и пораст на продажбата на одредени категории достигна значително зголемување на пазарниот удел, соопштуваат од компанијата.

Во првото полугодие од оваа година, „Палома" го насочи фокусот на работењето на земјите од регионот, каде со активен маркетинг и пораст на продажбата на одредени категории достигна значително зголемување на пазарниот удел, соопштуваат од компанијата.

Како што истакнуваат од компанијата, и покрај силната и активна конкуренција, таа за една година успева да ја подобри својата позиција во сите категории на производи.

Во исто време е зголемена и количествената продажба на производи во категоријата тоалетна хартија и хартиени марамчиња. Пазарниот удел во Словенија порасна на 27,1 отсто, а во Хрватска на 11,6 отсто.

Од „Палома" потсетуваат дека во првите шест месеци направена е реорганизација на категоријата салфети, кои отсега ќе бидат распоредени како Paloma elite, stily и joy.

Компанијата најави дополнителни иновации кои ќе се случат наесен, а докапитализацијата е сè уште во тек.