Пад на производството на прехранбени производи

Производството на прехранбени производи во Србија во првите осум месеци од годинава забележа пад од 15,3%, во однос на истиот период во 2012 година, покажуваат податоците на српскиот Републички завод за статистика.

Податоците од Заводот, покажуваат дека пораст е забележан само во производството на млечни производи за 6% и преработка на конзервирано овошје и зеленчук за 3%.

Пад е присутен и во производството на пекарски производи и тестенини за 2,4%, во производството на конзервирано месо со 10%, во производството брашно и шеќер за 18,7%, во препработката на конзервирана риба за 19,7%, во производството на масло и маст за 36,8%, и кај останатите прехранбени производи за 35,1%.