Отворено претставништво на Унгарската национална трговска куќа

Претставништвото на Унгарската трговска куќа „Монте-ХУ Трејдинг", што на почетокот на октомври е отворено во Подгорица, ќе го направи црногорскиот пазар подостапен за малите и средни претпријатија од Унгарија.

Габор Кун, заменик директор на Унгарската национална трговска куќа, кажа дека „Монте-ХУ Трејдинг" треба да допринесе за јакнење на билатералната соработка во секторот на трговијата, односно да им помогне на унгарските мали и средни компании да најдат партенри во Црна Гора. 

Веруваме дека со помошта на ова куќа и нашите партнери црногорскиот пазар ќе биде достапен за унгарските мали и средни компании. Отворањето претставува голема шанса за бизнисот во Црна Гора и Унгарија и големи можности за извоз на претпријатија што сакаат да се шират на странските пазари, кажа Кун на свеченоста по повод отворањто на „Монте-ХУ Трејдинг", пренесува „МИНА-бизнис".

Тој додаде дека Унгарската национална куќа има вкупно 16 претставништва на територијата на Европа, Азија, Африка и Америка и дека за нив многу е важно да биде присутна на западниот Балкан.

Унгарските мали и средни претпријатија покажуваат голем интерес за пазарот на западен Балкан, а црногорските трговски партнери кои сакаат да соработуваат со унгарските, можат да се обратат во централата во Будимпешта, каде што има широка база на податоци за услугите и производите на унгарските компании, соопшти Кун.

Целта на Унгарската национална трговска куќа, чии основачи се државата, унгарската трговска и индустриската комора, е воспоставување на директните бизнис-контакти со компаниите од земјата со странските фирми, со цел подобрување на нивните извозни дејности.