Отворена е 188. продавница на „Бинго“

На 16 февруари беше отворен новиот хипермаркет „Бинго" на улицата 770 Славна брдска бригада бб во Долни Вакуф, кој е 188. продажен објект на истоимениот трговски синџир.

Објектот се протега на површина од 5.000 квадратни метри, од кои 3.000 квадратни метри се продажен простор. Хипермаркетот располага со богат асортиман на прехранбени и непрехранбени производи, предмети за домаќинството, текстил, техника и бела техника, а во рамките на продавницата работат и ресторан и игротека.

Денеска ја отворивме 188. продавница и на нашиот колектив му се придружија 68 нови колеги. Работата на следниот објект во Јајце веќе е во крајна фаза и планираме да продолжиме да инвестираме во Среднобосанскиот Кантон, изјави на отворањето Татјана Пауноски, раководител на службата за маркетинг во компанијата.

Честитки за нашата референтна, трговско-угостителска и брендирана компанија „Бинго". Долни Вакуф како средиште и крстопат на големите патишта доби еден репрезентативен продажен објект, за кој сметам дека е меѓу десетте најдобри во БИХ, истакна Тахир Лендо, премиер на Среднобосанскиот Кантон.

На денот на отворањето, за купувачите беа организирани бројни попусти, подароци и дегустација на различни производи, а за забавата на најмладите, беа задолжени маскотите Бингоси, Супер крила, Барни, Тета Виолета, Медо Бу и други.