Отворен „Супер Конзум“ во Омишаљ на Крк

Во Омишаљ на островот Крк, на ул. „Пушќа" бр. 150, отворен е „Супер Конзум", 61-от во Хрватска, а вториот по ред на овој остров.

Во новоотворената продавница, со вкупна површина од 1.800 квадратни метри вработени се 60 работници. Во продажните простори на „Супер Конзум" на купувачите достапен им е широк асортиман на производи со акцент на понудата на свежо овошје и зеленчук од домашно потекло, пекарница со секојдневно свежи печива и леб, потоа свежо месо и деликатеси. Новиот „Супер Конзум" содржи и дел за непрехранбени производи како и производи за домашна употреба.

Новиот продажен центар на Крк, визуелно и концептуално се разликува од останатите трговски центри на острвот, бидејќи акцентот е ставен на Крк како значајна туристичка дестинација. Во овој центар ќе биде отворен и информативен туристички центар финансиран од Министерството за туризам на Хрватска, со што целиот комплекс станува атрактивен мултимедијален простор што со својот изглед го привлекува вниманието на туристите и граѓаните.

Отворањето на новиот трговски центар на острвот Крк е продолжение на континуираните вложувања на „Конзум" во ширењето на малопродажната мрежа, особено на хрватското крајбрежје и на островите, нагласуваат од овој трговски синџир.