Отворен Саем на домашни производи

На 10 ноември „Конзум" и „Малиот хрватски производител" отворија Саем на домашни производи, а во продажната изложба учествуваа 50 учесници. Саемот се наоѓа во опремен простор пред маркетот „Конзум" во Чрномерц, Загреб.

„Конзум" го поддржа Саемот на домашни производи, во организација на  проектот „Малиот хрватски производител". Целта на саемот е обезбедување можност за претставување на производите и на најмалите фирми, пред многубројни посетители.

Организаторот на проектот „Малиот хрватски производител", Марко Шпиљар од компанијата „Вораго", изрази благодарност на „Конзум" за нивната поддршка.

Директорот за маркетинг во „Конзум", Јосип Гргиќ, по повод отворањето изјави дека „Конзум" го поддржува домашното производство, од најголемите производители до, како што е овој случај, малите семејни производители на традиционални производи. 

За посетителите саемот ќе биде отворен до 16 ноември, а освен во традиционалните мириси и вкусови на бројните јадења и пијалаци, гостите ќе имаат можност да уживаат и во звуците на традиционалната музика.